ہم نے بہترین کھیل کامظاہرہ کیا اور تسلسل برقراررکھا:کارتک

احمد آباد ، یکم فروری (یواین آئی) تمل ناڈو ٹیم کے کپتان دنیش کارتک نے سید مشتاق علی ٹی 20 ٹرافی جیتنے کے بعد کہا کہ ان کی ٹیم نے پورے ٹورنامنٹ میں عمدہ کرکٹ کھیلا اور تسلسل برقرار رکھا جس کی وجہ سے ٹیم کو خطاب حاصل کرنے میں مدد ملی۔

تمل ناڈو نے اتوار



کے روز بڑودہ کو سات وکٹوں سے شکست دے کر14 سال کے وقفے کے بعد سید مشتاق علی ٹرافی ٹی-20 ٹورنامنٹ کا خطاب جیتا تھا۔

کپتان کارتک کی قیادت میں ٹیم کو خطابی جیت حاصل ہوئی اور کپتان نے اس جیت کا سہرا پوری ٹیم کو دیتے ہوئے کہا کہ ٹیم نے ٹورنامنٹ میں بہترین کھیل کا مظاہرہ کیا۔