کھیلوں میں لڑکیوں کو ہمت نہیں ہارنی چاہیے : ثانیہ مرزا

ممبئی/29جون(ایجنسی) ہندستانی ٹینس اسٹار ثانیہ مرزا کا کہنا ہے کہ بچپن میں انہیں ٹینس کھیلنے پر کہا گیا کہ یہ کالی ہوجائے گی اور اس سے کوئی شادی نہیں کرے گا۔

ٹینس اسٹار ثانیہ مرزا نے اقوام متحدہ کے ادارے یو این ویمن انڈیا کے نغمے 'مجھے حق ہے' کی افتتاحی تقریب میں شر کت کے موقع پر



کہا کہ انہوں نے صرف 6 برس کی عمر میں ٹینس کھیلنا شروع کیا،اس دور میں یہ بھی سننے کو نہیں ملتا تھا کہ حیدرآباد کی کوئی لڑکی ٹینس کھیلتی ہے۔

ثانیہ مرزا نے گفتگو کرتے ہوئے اپنے بارے میں بتایا کہ جب میرے والدین نے میرے انکل آنٹی کو میرے ٹینس کھیلنے کے متعلق آگاہ کیا تو انہوں نے کہا کہ یہ کالی ہوجائے گی، پھر دیکھنا کوئی اس سے شادی نہیں کرے گا۔