تبریز شمسی اپنے کیریر کی بہترین دوسری پوزیشن پر پہنچے

دبئی ، 15 فروری (یواین آئی ) جنوبی افریقہ کے بائیں ہاتھ کے اسپنر تبریز شمسی ، پاکستان کے خلاف تین میچوں کی ٹی ٹوئنٹی سیریز کے لاہور میں کھیلے گئے آخری میچ میں چار وکٹیں حاصل کرنے کے بعد آئی سی سی ٹی 20 کی گیندبازی رینکنگ میں دوسرے نمبر پرآگئے ہیں۔

تین میچوں کی سیریز میں شمسی



10.16 کی اوسط اور 5.08 کے اکانومی ریٹ کے ساتھ مشترکہ طور پر سب سے زیادہ 6 وکٹیں لینے والے گیندباز رہے ۔

اس سے قبل وہ آئی سی سی ٹی ٹونٹی گیندبازی رینکنگ کی فہرست میں ایڈم جمپا ، عادل راشد اور مجیب الرحمن سے پیچھے پانچویں نمبر پر تھے ، لیکن اب وہ تین پوائنٹس کی بہتری کے ساتھ دوسرے نمبر پر آگئے ہیں۔