بال ٹیمپرنگ میں مجرم پائے گئے چندی مل نے سزا کے خلاف کی اپیل

دبئی/21جون(ایجنسی) آسٹریلیا کے بعد سری لنکا کرکٹ ٹیم کے کپتان دنیش چندی مل پر بال ٹیمپرنگ معاملے میں سزا ملی تھی، چندی مل نے ان پر انٹرنیشنل کرکٹ بورڈ (آئی سی سی) کی طرف سے لگائے گئے ایک ٹیسٹ میچ کی پابندی کے خلاف اپیل کی ہے، آئی سی سی نے جمعرات کو اسکی تصدیق کی، آن-فیلڈ امپائر علیم دار،ایان اور تیسرے امپائر رچرڈ نے چندی مل پر ویسٹ انڈیز کے خلاف جاری دوسرے ٹیسٹ میچ کے تیسرے دن بال ٹیمپرنگ کا الزام لگایا تھا.

دنیش چندی مل پر ایک ٹیسٹ میچ کی پابندی



عائد کرنے کے علاوہ 100 فیصد میچ فیس کا جرمانہ اور 2 سسپنشن پوائنٹس بھی دئیے گئے ہیں۔ میچ ریفری جواگل سری ناتھ کا کہنا ہے کہ ’’واقعے کی ویڈیو دیکھنے کے بعد یہ واضح ہے کہ دنیش چندی مل نے اپنے منہ سے کسی چیز سے پیدا ہونے والا مصنوعی مادہ نکال کر گیند پر لگایا جو کہ آئی سی سی کوڈ آف کنڈکٹ کی خلاف ورزی ہے۔آئی سی سی چیف ایگزیکٹو ڈیوڈ رچرڈسن نے کہا ’’آئی سی سی میچ آفیشلز کے فیصلے کی پوری حمایت کرتی ہے جو ویڈیو فوٹیج دیکھنے کے بعد کیا گیا، اور ایسا کوئی بھی واقعہ پیش آنے پر یہی کیا جائے گا۔