سندھو دوسری جیت کے ساتھ سیمی فائنل میں داخل ، سری کانت کی شکست

بالی، 2 دسمبر (یو این آئی) اسٹار ہندوستانی بیڈمنٹن کھلاڑی پی وی سندھو نے جمعرات کے روز یوون لی کو شکست دے کر مسلسل دوسری جیت درج کرنے کے ساتھ بی ڈبلیو ایف ورلڈ ٹور فائنل 2021 ٹورنامنٹ کے سیمی فائنل میں پہنچ گئیں جبکہ کدامبی سری کانت کو اپنی پہلی شکست کا سامنا کرنا پڑا۔

سندھو نے جہاں اپنے گروپ اے مرحلے میں



ڈنمارک کی لین کرسٹوفرسن کو 21-14، 21-16 سے شکست دی تھی ، آج انہوں نے جرمنی کی یوون لی کو 21-10، 21-13 سے شکست دے کر صرف 31 منٹ میں گروپ میں سرفہرست مقام حاصل کیا۔

سندھو کے گروپ میں ہندوستانی کھلاڑی اور تھائی لینڈ کی پورنپاوی چوکوانگ نے اپنے دونوں میچ جیتے ہیں جبکہ ان کے درمیان جمعہ کے روز ہونے والا میچ گروپ کے ٹاپ کھلاڑی کا فیصلہ کرے گا۔