محمد سمیع کی مصیبتیں اور بڑھیں، حسین جہاں نے درج کروایا نیا کیس

نئی دہلی/10اپریل(ایجنسی) ٹیم انڈیا کے فاسٹ بولر محمد سمیع کی مشکلیں کم ہونے کا نام ہی نہیں لے رہی ہیں. پہلے ہی بہت سے الزام لگا چکی سمیع کی بیوی حسین جہاں نے اب ان پر ایک نیا کیس درج کروایا ہے. حسین جہاں نے مغربی بنگال کے علی پور کورٹ میں سمیع اور ان کے خاندان کے باقی لوگوں پر گھریلو تشدد کا مقدمہ درج کروایا ہے. اس نئے کیس میں حسین



جہاں نے سمیع پر بھتہ اور علاج کا خرچہ نہیں دینے کا الزام لگایا ہے. بتا دیں کہ کچھ دن پہلے ہی حسین جہاں آئی پی ایل میں دہلی کی ٹیم کے سی ای او ہیمنت سے بھی ملی تھیں. ملاقات کے بعد حسین جہاں نے بتایا، میں نے اپنی بات ہیمنت سر کے سامنے رکھی اور ان سے کہا کہ جب تک ہمارا خاندانی تنازعہ ختم نہیں ہو جاتا تب تک سمیع کو آئی پی ایل ٹیم میں نہیں رکھا جانا چاہئے.