سرینا ویلیمس کا کیریر کے آخری یوایس اوپن ٹورنامنٹ میں جیت کے ساتھ آغاز

نیویارک، 30 اگست (یواین آئی) نیویارک کے آرتھر ایش اسٹیڈیم میں 23 مرتبہ کی گرینڈ سلیم چیمپئن سیرینا ویلیمس نے مونٹی نیگرو کی ڈانکا کوونچ کو اسٹریٹ سیٹوں میں چھ-تین، چھ-تین سے شکست دے کر اپنے کیریر کے آخری یوایس اوپن ٹورنامنٹ میں جیت کے ساتھ آغاز کیا چھ بار کی یو ایس اوپن چیمپئن کو اپنے پہلے راؤنڈ کے میچ میں



شائقین کی جانب سے بے پناہ محبت ملی اور سیرینا نے انہیں مایوس نہیں کیا اور اپنے پرانے رنگ میں نظر آئیں ناظرین سے کھچا کھچ بھرے آرتھر ایش اسٹیڈیم میں سرینا کی حمایت میں "وی لو سیرینا" کے نعرے لگ رہے تھے میچ سے قبل 23 مرتبہ کی گرینڈ سلیم فاتح ولیمز کی ایک ویڈیو چلائی گئی جس میں ان کے کیریئر اور زندگی کی کامیابیاں دکھائی گئیں۔