ہندوستان -جنوبی افریقہ کے مابین دوسرے دن کا کھیل بارش کی نذر ہوا

سنچورین، 27 دسمبر (یو این آئی) ہندوستان اور جنوبی افریقہ کے درمیان کھیلے جا رہے پہلے کرکٹ ٹیسٹ میچ کے دوسرے دن کا کھیل آج بارش کی نذرہوگیا مسلسل بارش کی وجہ سے ہندوستانی وقت کے مطابق تقریباً شام ساڑھے پانچ بجے کھیل رد کردیا گیا بی سی سی آئی نے ٹویٹ کرتے ہوئے کہا کہ بدقسمتی سے آج سنچورین میں تیز بارش کی وجہ سے دوسرے دن کا کھیل منسوخ کر دیا گیا ہے واضح رہے



کہ اس سے قبل میچ افسران کی طرف سے کھیل شروع کرنے کے لئے شام چار بج کر 15 منٹ پر میدان کا معائنہ کیا گیا لیکن صورتحال کھیل کے موافق نہیں تھی اور پھر شام پانچ بجکر 26 منٹ پر میدان پر کافی پانی جمع ہونے کی وجہ سے کھیل رد کرنے کا فیصلہ کیا گیا۔

ہندوستان نے پہلے دن تین وکٹوں کے نقصان پر 272 رن بنائے تھے۔

لوکیش راہل 122 جبکہ اجنکیا رہانے 40 رن پر کھیل رہے ہیں۔