زخمی پنت دوسرے ون ڈے سے باہر، تیسرے میں کھیلنا مشکوک

راجکوٹ 16 جنوری (یواین آئی) ہندوستان کے نوجوان وکٹ کیپر بلے باز رشبھ پنت آسٹریلیا کے خلاف ممبئی میں پہلے ون ڈے میں تیزگیندباز پیٹ کمنز کی گیند سر پر لگنے کے بعد جمعہ کے روزدوسرے ون ڈے سے باہر ہو گئے ہیں اور ان کے تیسرے میچ میں کھیلنے کے سلسلے میں ابھی کوئی حتمی فیصلہ نہیں کیا گیا ہے۔

پنت منگل کو وانکھیڑے



اسٹیڈیم میں کھیلے گئے پہلے ون ڈے میں بلے بازی کر رہے تھے کہ ہندوستانی اننگز کے 44 ویں اوور میں انہوں نے کمنز کی باؤنسر پر شاٹ مارنے کی کوشش کی لیکن تیزی سے اٹھی گیند پنت کے بلے کا کنارہ لے کر ان کے ہیلمیٹ سے ٹکرا کر اچھل گئی۔

گیند لگنے کے بعد انہیں چکر آ رہے تھے اور وہ آسٹریلیا کی بلے بازی کے دوران وكٹ كيپنگ کرنے نہیں اترے۔