پرتھوی شا کی دھماکے دار سنچری سے ممبئی سیمی فائنل میں

نئی دہلی، 9 مارچ (یواین آئی) نوجوان سلامی بلے باز پرتھوی شا کی ناٹ آوت 185 رنز کی تیزترین اننگ سے ممبئی ،شوراشٹرکو منگل کے روز یکطرفہ انداز میں پالم میدان میں نووکٹ سے شکست دے کر وجے ہزارے ٹرافی ون ڈے ٹورنامنٹ کے سیمی فائنل میں پہنچ



گئی۔

سوراشٹر نے سمرتھ ویاس کے ناٹ آوٹ 90 رن کی بہترین اننگ سے 50 اوور میں پانچ وکٹ پر 284 رن کا مضبوط اسکوربنایا، لیکن پرتھوی شا کی عمدہ کارکردگی نے اس اسکور کو چھوٹاثابت کردیا۔

پرتھوی نے محض 123 گیندوں پر 21 چوکوں اور سات چھکوں کی مدد سے ناٹ آوٹ 185 رن کی زبردست اننگ کھیلی۔