پیٹر ملان جنوبی افریقہ اے ٹیم کے کپتان مقرر

جوہانسبرگ، 11 نومبر (یو این آئی) اوپنر پیٹر ملان کو 23 نومبر سے 9 دسمبر تک بلوم فونٹین میں ہندوستان اے کے خلاف ہونے والے آئندہ تین چار روزہ میچوں کے لیے جنوبی افریقہ اے ٹیم کا کپتان نامزد کیا گیا ہے۔

اس 14 رکنی تجربہ کار ٹیم میں ان کے علاوہ لوتھو سپمالا (دو ٹیسٹ، پانچ ون ڈے، نو ٹی ٹوئنٹی)، جارج لنڈے (تین ٹیسٹ، دو ون ڈے، 14 ٹی



ٹوئنٹی)، سینورن متھوسامی (دو ٹیسٹ)، بیورن ہینڈرکس (ایک ٹیسٹ، آٹھ ون ڈے، 19 ٹی ٹوئنٹی، گلینٹن اسٹرمین (ایک ٹی ٹوئنٹی) اور سنتھیمبا کیشیل (دو ٹی ٹوئنٹی)۔

واضح رہے کہ ملان جنوبی افریقہ کے لیے تین ٹیسٹ کھیل چکے ہیں اور یہ تمام ٹیسٹ جنوری 2020 میں انگلینڈ کے خلاف کھیلے ہیں، جس میں انھوں نے مجموعی طور پر 156 رنز بنائے اور ان کا بہترین اسکور 84 تھا۔