ویراٹ کوہلی کو ملی 9 ماہ کی بیٹی سے عصمت ریزی کی دھمکی، تحقیقات شروع

نئی دہلی،2 نومبر (ذرائع) ہند- پاک کرکٹ میچ میں ٹیم انڈیا کی شکست کے بعد کپتان ویراٹ کوہلی کی بیٹی کو آن لائن دھمکیاں ملیں، جسے لیکر دہلی ویمن کمیشن نے دہلی پولیس کو نوٹس جاری کردیا ہے۔ 

دہلی کمیشن برائے خواتین کی چیئرپرسن سواتی مالیوال نے ٹویٹر پر لکھا کہ جس طرح سے 9 ماہ کی بچی کو دھمکی دی گئی وہ "انتہائی شرمناک" ہے۔ ہم نے



دہلی پولیس سے درخواست کی ہے کہ وہ اس معاملے میں تحقیقات سے متعلق معلومات شیئر کرئے۔

سواتی نے ٹویٹ کیا ہے کہ جس طرح ویراٹ کوہلی کی 9 ماہ کی بیٹی کو ٹوئٹر پر دھمکی دی گئی وہ انتہائی شرمناک ہے۔ اس ٹیم نے ہمیں ہزاروں بار فخر کا احساس دلایا، ہار پر یہ گھٹیاپن کیوں؟ میں نے دہلی پولیس کو نوٹس جاری کیا، 9 ماہ کی بچی کو دھمکی دینے والوں کو گرفتار ہو!