نسل پرستی اورصنفی امتیاز سے متعلق آٹھ سال پرانے ٹویٹ پراولی روبنسن نے معافی مانگی

لندن 3 جون (یواین آئی) نیوزی لینڈ کے خلاف موجودہ ٹیسٹ سیریز میں ٹیسٹ ڈیبیوکرنے والے انگلینڈ کے تیز گیندباز اولی روبنسن نے آٹھ سال پرانے نسل پرستی اورصنفی امتیاز سے متعلق ٹویٹ پر معافی مانگی ہے۔

لارڈس کے تاریخی میدان پردوجون کو شروع ہوئے ٹیسٹ کے پہلے دن روبنسن اپنے مظاہرے کی بدولت نہیں، بلکہ آٹھ سال



پرانے ان ٹویٹ کے تعلق سے سوشل میڈیا پر ٹرول کئے جارہے تھے۔

27 سالہ روبنسن نے اپنی اس حرکت کے لئے معذرت کااظہارکرتے ہوئے ایک بیان جاری کرکے کہا کہ وہ اس واقعہ کے بعد سے ایک سمجھ دار شخص بن گئے ہیں، لیکن ان کے اس کام کے تعلق سے انگلینڈ اینڈویلز کرکٹ بورڈ ( ای سی بی) کے ذریعہ ایک تادیبی کارروائی شروع کی جائے گی۔