چینی باکسر کے ہاتھوں نکہت زرین کا میڈل کا خواب ٹوٹا، یکطرفہ شکست

نئی دہلی، 1 اگسٹ (ذرائع) بھارت کی اسٹار خاتون باکسر نکہت زرین کا پیرس اولمپکس میں تمغہ جیتنے کا خواب چکنا چور ہوگیا۔

پری کوارٹر فائنل میچ میں چین کے ٹاپ سیڈ وو یو نے  یکطرفہ مقابلے میں نکہت زرین کو شکست دی۔ 50 کلوگرام زمرے میں کھیلنے والے نکہت کو چینی باکسر کے



خلاف 0-5 سے شکست کا سامنا کرنا پڑا۔ بھارتی باکسر نکہت زرین کو پہلے راؤنڈ میں مایوسی ہوئی۔ چینی کھلاڑی نے پہلا راؤنڈ 4-1 سے جیتا۔ دوسرے راؤنڈ میں بھی فیصلہ چین کی وو یو کے حق میں 3-2 سے ہوا۔پہلے دو راؤنڈ جیتنے کے بعد، انہوں نے تیسرے میں بھی ایک بڑی جیت کے ساتھ نکہت کی تمغہ کی امیدیں ختم کر دیں۔