نڈال اور اوساکا آسانی سے دوسرے راؤنڈ میں داخل, کینن باہر

میلبورن، 17 جنوری (یو این آئی)سربیا کے نوواک جوکووچ کا تنازعہ ختم ہونے کے اگلے دن پیر کے روز سال کے پہلے گرینڈ سلیم آسٹریلین اوپن کی شروعات ہوگئی اور خطاب کے مضبوط دعویدار اسپین کے رافیل نڈال اور دفاعی چیمپئن جاپان کی ناؤمی اوساکا نے آسان جیت کے ساتھ دوسرے راونڈمیں داخلہ حاصل کرلیا جبکہ 2020 کی



چیمپئن امریکہ کی صوفیہ کینن پہلے راونڈ میں شکست کھاکر باہر ہوگئیں۔

20 مرتبہ کے گرینڈ سلیم چیمپئن نڈال نے پہلے راؤنڈ میں امریکہ کے مارکوس گیرون کومسلسل سیٹوں میں 2-6، 4-6، 1-6 سے شکست دی۔

نڈال نے میچ کے بعد کہا کہ گزشتہ ہفتہ میرے لیے اہم تھا، میں نے تین میچ کھیلے اور تینوں جیت کر خطاب اپنے نام کیا۔