میری کام ہم وطن سمرنجیت اور لیولینا کے ساتھ ٹوکیواولمپک کی تیاری کے لئے مشق کریں گی

نئی دہلی ، 05 مئی (یواین آئی) چھ مرتبہ کی عالمی فاتح اور اولمپک کے لئے کوالیفائی کرنے والی ہندوستان کی خواتین باکسر ایم سی میری کام (51 کلوگرام) دو دیگر اولمپک ٹکٹ حاصل کرنے والی ہم وطن سمرنجیت کور (60 کلوگرام) اور لیولینا بورگوہن (69) کے ساتھ پونے میں ملٹری اسپورٹس انسٹی ٹیوٹ میں خواتین کے قومی باکسنگ کیمپ میں ٹوکیو اولمپکس 2021 کی تیاری کے لئے



مشق کریں گی۔

کورونا وائرس کے بگڑتے ہوئے حالات کے پیش نظر قومی کیمپ کو پونے میں منتقل کرنے کا فیصلہ کیا گیا ہے جہاں 31 جولائی تک ٹریننگ ہوگی۔

قومی کیمپ میں حصہ لینے کے لئے منتخب کئے گئے 10 مکہ بازوں میں شامل 2019 عالمی چیمپئن شپ کی کانسہ تمغہ فاتح جمونا بورو (54کلوگرام) بھی زخمی ہونے کی وجہ سے لمبے بریک کے بعد کیمپ میں واپسی کررہی ہے ۔