اوبرائن نے چھکا مار کر اپنی ہی گاڑی کا شیشہ توڑا

ڈبلن ،28اگست (یو این آئی)آئرلینڈ کے جارح مزاج بلے باز کیون اوبرائن نے جمعرات کو ڈومیسٹک ٹوئنٹی ٹوئنٹی میچ کے دوران اپنی ہی گاڑی کی کھڑکی کا شیشہ چھکا مار کرتوڑ دیا۔

او برائن نے پیمبروک کرکٹ کلب ،ڈبلن میں لینسٹر لائٹنگ کے لئے کھیلتے ہوئے نارتھ



ویسٹ واریئرز کے خلاف صرف 37 گیندوں پر 82 رنز اسکورکیے جس میں 8 چھکے بھی شامل تھے تاہم ان میں ایک چھکے سے کار پارکنگ میں کھڑی ان کی اپنی گاڑی کا پچھلا شیشہ ٹوٹ گیا۔

کرکٹ آئرلینڈ نے اپنے ٹویٹر اکاؤنٹ پر اوبرائن کی گاڑی کو ہونے والے نقصان کو اجاگر کیا ۔