بلے بازوں کی شرمناک خودسپردگی کی وجہ سے ہندوستان کی 72 رن سے شکست

کیپ ٹاؤن۔ اسٹار بلے بازوں کی شرمناک خود سپردگی نے تیز گیند بازوں کی تاریخی کارکردگی پر پانی پھیردیا اور ہندوستان کو جنوبی افریقہ کے خلاف پہلے کرکٹ ٹسٹ کے چوتھے ہی دن پیر کے روز 72رن سے ہار کا سامنا کرنا پڑا۔ ہندوستانی ٹیم 208رن کے ہدف کے سامنے 42اعشاریہ 4اوور میں 135رن پر ڈھیرہوگئی۔

ہندستان کے تیزگیند بازوں نے جنوبی افریقہ کو دوسری اننگز میں



41اعشاریہ 2اوور میں 130رن پر آؤٹ کرکے شاندار موقع حاصل کیا تھا۔ لیکن اسٹار ہندستانی بلے بازوں نے یہ موقع گنوا دیا۔ جنوبی افریقہ کے تیز گیندباز ویرنون فلنڈر نے خطرناک گیندبازی کا مظاہرہ کرتے ہوئے 42رن دیکر 6وکٹ لئے ۔مورن مورکل نے 39رن پر دو وکٹ اور کیگسوربادا نے 41رن پر دو وکٹ لئے ۔جنوبی افریقہ نے اس طرح تین میچوں کی سیریز میں 0۔1سے سبقت لے لی ہے۔