گیل نے ریٹائرمنٹ کی قیاس آرائی کو مستردکیا

پورٹ آف ا سپین، 15 اگست (ایجنسی) ویسٹ انڈیز کے جارح بلے باز کرس گیل نے بین الاقوامی کرکٹ سے ریٹائرمنٹ لینے کی خبروں کو مسترد کرتے ہوئے کہا ہے کہ وہ اب بھی ویسٹ انڈیز ٹیم کے کھلاڑی ہیں اور انہوں نے اس سلسلے میں کوئی اعلان نہیں کیا ہے ۔

گیل نے کہا، "میں نے ابھی تک ریٹائرمنٹ کا اعلان نہیں کیا ہے." یہ پوچھے جانے



پر کہ کیا وہ اب بھی ویسٹ انڈیز ٹیم کا حصہ ہیں، انہوں نے کہا کہ ہاں میں فی الحال ٹیم کا حصہ ہوں جب تک مجھے کسی طرح کا نوٹس نہیں مل جاتا۔

اس سے پہلے ہندوستان کے خلاف بدھ کو تیسرے ون ڈے میچ میں اپنے ون ڈے کیریئر کے 301 ویں میچ میں وہ 301 نمبر کی جرسی پہن کر اترے تھے جبکہ ون ڈے میں وہ 45 نمبر کی جرسی پہن کر کھیلنے اترتے ہیں۔