ہندوستانی خواتین کی ڈبلز اور مکسڈ ٹیمیں پری کوارٹر فائنل میں

ہیوسٹن، 26 نومبر (یو این آئی) ہندوستانی خواتین کی ڈبلز اور مکسڈ ٹیمیں جمعہ کے روز امریکہ کے ہیوسٹن میں جاری آئی ٹی ٹی ایف ورلڈ ٹیبل ٹینس چیمپئن شپ 2021 کے فائنل کے پری کوارٹر فائنل میں پہنچ گئیں۔

منیکا بترا اور ارچنا کامتھ کی ویمنز ڈبلز جوڑی نے 32 ویں راؤنڈ میں اپنے چیلنج



کا آغاز پہلے راؤنڈ میں کیا، جہاں انہوں نے جرمنی کی ڈیگراف مارگو اور مارکھیتی نٹالی کی جوڑی کو 4-11، 7-11، 6-11 (3-0) سے شکست دی اور آسانی سے پری کوارٹر فائنل میں داخلہ حاصل کیا۔

یہ منیکا کی دوسری جیت تھی کیونکہ انہوں نے اس کے علاوہ ساتھی جی ستین کے ساتھ مکسڈ ڈبلز کے 32 ویں راؤنڈ میں جیت درج کی ہے۔