انگلینڈ کے پاس ورلڈ کپ جیتنے کا بہترین موقع: براڈ

لندن ، 23 مئی (ایجنسی) انگلینڈ کے فاسٹ بالر اسٹورٹ براڈ نے کہا ہے کہ انگلینڈ کی موجودہ ٹیم متوازن اور مضبوط ٹیم پر مشتمل ہے اس لئے اس کے پاس ورلڈ کپ ٹائٹل جیتنے کا بہترین موقع ہے۔

انگلش ٹیم کو تین بار ورلڈ کپ فائنل کھیلنے کا اعزاز حاصل ہے لیکن بدقسمتی سے وہ ایک بار بھی عالمی ٹائٹل اپنے نام کرنے میں کامیاب نہ ہو سکی۔

 

براڈ نے اپنے بیان میں



کہا کہ ہماری ٹیم میں جیسن روئے، جوز بٹلر، بین ا سٹوکس اور مورگن جیسے ورلڈ کلاس بلے باز ہیں جو اکیلے ٹیم کو میچ جتانے کی صلاحیت رکھتے ہیں، میں سمجھتا ہوں کہ ہماری موجودہ ٹیم جتنی متوازن اور مضبوط دستے پر مشتمل ہے اس سے قبل کبھی اتنی متوازن نہیں تھی، ٹیم کو میگا ایونٹ میں ہوم گراؤنڈ اور کراؤڈ کا بھی ایڈونٹیج حاصل ہو گا اس لئے ٹیم کے پاس عالمی ٹائٹل جیتنے کا سنہری موقع ہے۔