تھیم فائنل میں، خطابی جنگ جوکووچ سے

میلبورن، 31 جنوری (یو این آئی ) پانچویں سیڈ آسٹریا کے ڈومینک تھیم نے ساتویں سیڈ جرمنی کے الیگزینڈر جیویریو کو جمعہ کو چار سیٹ کے سخت سیمی فائنل میں 3-6،6-4، 7-6، 7-6 سے شکست دے کر سال کے پہلے گرینڈ سلیم آسٹریلین اوپن ٹینس ٹورنامنٹ کے فائنل میں پہلی بار داخلہ حاصل کر لیا۔

تھیم کا اتوار کو ہونے والے خطابی مقابلے میں گزشتہ چمپئن



اور دنیا کے دوسرے نمبر کے کھلاڑی سربیا کے نوواک جوکووچ سے مقابلہ ہوگا جنہوں نے کل پہلے سیمی فائنل میں سوئٹزرلینڈ کے راجر فیڈرر کو 7-6 (1)، 6-4، 6-3 سے شکست دے کر آٹھویں بار فائنل میں جگہ بنائی تھی۔

دوسری سیڈ جوکووچ اب اپنے آٹھویں خطاب اور نمبر ایک رینکنگ سے صرف ایک جیت دور رہ گئے ہیں اور اس کے لیے انہیں تھیم کے چیلنج سے نمٹنا ہوگا۔