دہلی اسپورٹس یونیورسٹی دہلی کی نہیں پورے ملک کی میراث ہے، ہم نے اسے پورے ملک کے لیے تیار کیا ہے: اروند کیجریوال

نئی دہلی، 7جون (یو ین آئی) دہلی سمیت ملک بھر میں کھیلوں کو فروغ دینے کے مقصد سے وزیر اعلی اروند کیجریوال کی موجودگی میں دہلی اسپورٹس یونیورسٹی اور یونیورسٹی آف ایسٹ لندن کے درمیان آج ایک اہم معاہدے پر دستخط ہوئے۔

اس دوران وزیر اعلی اروند کیجریوال نے



کہا کہ دونوں یونیورسٹیوں کے درمیان یہ معاہدہ ملک بھر میں بہت سارے عالمی معیار کے کھلاڑی پیدا کرنے کا ہمارا خواب پورا کرے گا۔

ہر ہندوستانی کے دل میں یہ بات ہمیشہ رہتی ہے کہ 130 کروڑ لوگوں کا ملک ہونے کے باوجود ہم بین الاقوامی سطح کے کھیلوں میں صرف چند تمغے جیت پائے ہیں۔