ٹی 20 ورلڈ کپ اکیلا ہی جتا سکتا تھا: نذیر

لاہور،30 ستمبر (یو این آئی ) پاکستانی ٹیم کے سابق جارح مزاج اوپنر عمران نذیر کا کہنا ہے کہ میں 2007 کا ٹی 20 ورلڈ کپ اکیلا ہی جتا سکتا تھا۔

تفصیلات کے مطابق ٹیم کے سابق اوپنر بیٹسمین عمران نذیر نے ایک انٹرویو کے دوران کہا کہ میں فائنل میچ میں اچھا کھیل رہا تھا لیکن بدقسمتی سے رن آؤٹ



ہوگیا اور میچ ہمارے ہاتھ سے نکلتا چلا گیا، مجھے اس پر آج بھی افسوس ہے۔

38 سالہ عمران نذیر کا کہنا تھا کہ ہمیں یہ فائنل جیتنا چاہئے تھا، کرکٹ کے حوالے سے یہ میری زندگی کا سب سے افسوس ناک لمحہ رہے گا، یہ میری آخری سانس تک تکلیف دیتا رہے گا، ہمیں تاریخ تخلیق کرنے کا موقع ملا تھا لیکن بدقسمتی سے ہار گئے۔