ہرمن پریت کور بنی ڈی ایس پی، ریلوے کی نوکری چھوڑی

چندی گڑھ/22فروری(ایجنسی) ہندوستان کی ٹی 20 خاتون ٹیم کی کپتان ہر من پریت کور انڈین ریلوے کی نوکری چھوڑ کر اب پنجاب پولیس کے لیے اپنی خدمات انجام دیں گی، ہر من پریت کور اگلے ماہ اپنے نئے عہدہ کا چارج سنبھالیں گی، اتوار کو اس کا اعلان کیا گیا، حکومت کے ایک ترجمان نے کہا کہ اس سلسلہ میں ریلوے سے ریاستی حکومت کو خط ملاہے ،اس سے پہلے ارجن ایوارڈ سے نوازی گئی ہر من پریت کور کو ریلوے انکے عہدے پر بنائے رکھنا چاہتا تھا، جہاں وہ آفس سپرنٹنڈنٹ کے طور پر کام کررہی تھی. پوری امید ہے کہ ہرمن پریت یکم مارچ سے پنجاب



کو اپنی خدمات دینا شروع کردیں گی.

اس موقع پر پنجاب کے وزیر اعلی امریندر سنگھ نے خوشی ظاہر کرتے ہوئے کہا کہ وہ پر اعتماد ہیں کہ ہرمن پريت اپنے بہترین کام کو جاری رکھیں گی. امریندر نے ہرمن پريت کو نئے عہدے کی تقرری کیلئے اجازت دینے کے لئے مرکزی وزیر پیوش گوئل کا شکریہ ادا کیا.