وائی سی پی لیڈر جگن کو آئندہ انتخابات میں بھاری شکست کا سامنا کرنا پڑے گا:پرشانت کشور

ذرائع:

حیدرآباد:معروف انتخابی حکمت عملی ساز پرشانت کشور نے آندھراپردیش کے چیف منسٹروائی ایس جگن موہن ریڈی کے تعلق سےسنسنی خیز تبصرہ کیا۔ آج حیدرآباد میں ایک پروگرام سے خطاب کرتے ہوئے پرشانت کشور نے پیشین گوئی کی کہ وائی سی پی لیڈر جگن کو آئندہ انتخابات میں بھاری شکست کا سامنا کرنا پڑے گا۔ انہوں نے کہا کہ عوام کی فلاح و بہبود کو دیکھتے ہوئے عوام کا پیسہ خرچ کرنا غلط ہے اور جگن کو ایسا کرنے سے سیاسی طور پر بہت نقصان ہو رہا ہے۔واضح رہے کہ پرشانت کشور نےحال ہی میں ہوئے تلنگانہ اسمبلی انتخابات میں سابق چیف منسٹر کے سی آر کے تعلق سے بھی چونکا دینے والے تبصرے کئے تھے۔ انہوں نے کہا کہ حکومت میں کئے گئے کاموں کو دیکھ کرہی عوام ووٹ دیتے ہیں۔ انہوں نے اس رائے کا اظہار کیا کہ



انتخابات میں تعلیم، روزگار اور ترقی کے اہم اثرات مرتب ہوں گے۔

انہوں نے سخت تبصرہ کیا کہ اگر آپ محل میں بیٹھ کر بٹن دبائیں گے تو آپ کو انتخابات میں ووٹ نہیں ملیں گے۔ دریں اثنا، پرشانت کشور نے 2019 کے انتخابات میں جگن کی قیادت والی وائی سی پی کے لئے آئی پیک ٹیم کے انتخابی حکمت عملی کے طور پر کام کیا۔ اس وقت الیکشن میں جگن کی پارٹی نے 151 سیٹوں کے ساتھ زبردست جیت حاصل کی تھی۔ اس انتخاب کے بعد  چیف منسٹرجگن موہن ریڈی اور پرشانت کشور کے درمیان تھوڑے دنوں کیلئے تعلقات منقطع ہونے پر انہوں نے دوری اختیارکرلی۔پرشانت کشور جنہوں نے گزشتہ انتخابات میں وائی سی پی کی جیت کے لئے کام کیا تھا، آندھرا پردیش کی سیاست میں یہ کہہ کر سنسنی پیدا کر دی ہے کہ جگن کو اس انتخاب میں بھاری شکست کا سامنا کرنا پڑ رہا ہے۔