وائی ایس شرمیلا باقاعدہ طورپر کانگریس میں شامل،راہل گاندھی کی موجودگی میں ملیکارجن کھرگے نے پارٹی میں کیاخیرمقدم

ذرائع:

نئی دہلی:آخرکار وائی ایس آر تلنگانہ پارٹی وائی ایس آرٹی پی چیف وائی ایس شرمیلا ریڈی نے کانگریس پارٹی میں شمولیت اختیار کرلی۔ جمعرات کی صبح اے آئی سی سی چیف ملیکارجن کھرگے اور کانگریس لیڈر راہل گاندھی کی موجودگی میں شرمیلا نے کانگریس پارٹی میں شامل ہوگئیں۔ شرمیلا کے شمولیت کے ساتھ ہی وائی ایس آرٹی پی کانگریس پارٹی میں ضم ہوگئی۔ اس پروگرام میں آندھراپردیش کے کانگریس امورکے انچارج مانیکیم ٹیگور، آندھرا پردیش پی سی سی صدر رودر راجو اور دیگر کئی لیڈروں نے شرکت کی۔

شرمیلا نے کہا کہ وہ کانگریس پارٹی میں شامل ہونے پر خوش ہیں اور وائی ایس آر ٹی پی کو کانگریس میں ضم کر دیا گیا ہے۔ انہوں نے واضح کیا کہ وہ عزم کے ساتھ کام کریں گے چاہے کانگریس پارٹی انہیں کوئی بھی ذمہ داری سونپے۔ انہوں نے کہا کہ وائی ایس راج شیکھر ریڈی کانگریس پارٹی میں ایک عظیم لیڈرتھے۔ انہوں نے یاد دلایا کہ انہوں نے ہمیشہ کانگریس پارٹی کے لئے انتھک کام کیا۔ انہوں نے کہا



کہ کانگریس پارٹی ملک کی سب سے بڑی سیکولر پارٹی ہے۔ انہوں نے کہا کہ پارٹی تمام برادریوں اور سب کوساتھ لیکر کام کرتی ہے۔

انہوں نے کہاکہ ایک عیسائی ہونے کے ناطے، انہیں منی پور میں گرجا گھروں کو منہدم کرنے پر کافی دکھ پہنچا۔ انہوں نے کہا کہ ایک سیکولرپارٹی کے نہ ہونے سے کیاہوتا ہے یہ اس بات کاثبوت ہے۔انہوں نے کہا کہ بھارت جوڑو یاترا نے اپنے اور تمام لوگوں میں راہل گاندھی پر اعتماد بڑھایا ہے۔ یہ بات سامنے آئی ہے کہ انہوں نے کانگریس کی حمایت کا اعلان کرتے ہوئے مقابلہ نہیں کیا تھا تاکہ کے سی آر مخالف ووٹ تقسیم نہ ہوں۔ وائی ​​ایس شرمیلا نے کہا کہ راہول گاندھی کو وزیر اعظم کے طور پر دیکھنا ان کے والد وائی ایس آر کی خواہش تھی۔

شرمیلا کل رات اپنے شوہر انیل کے ساتھ دہلی پہنچی۔ آج صبح شرمیلا کے ساتھ ْندھراپردیش کانگریس کے رہنما اور شرمیلا کے حامی اے آئی سی سی دفتر پہنچے۔ مجموعی طور پر شرمیلا کے کانگریس میں شامل ہونے کو لے کرگذشتہ چند دنوں سے جاری خبروں کاآج خلاصہ ہوگیاہے۔