ملک میں جو کچھ فروخت ہوگا وہ یہیں بنے گا: راجناتھ سنگھ

نئی دہلی، 16 ستمبر (یو این آئی) وزیر دفاع راج ناتھ سنگھ نے کہا ہے کہ ہندوستان نے خود انحصار ملک مہم کے تحت صنعت کاروں کے لیے دروازے کھول رکھے ہیں، لیکن شرط اتنی ہے کہ 'جو کچھ یہاں فروخت ہوگا، وہ یہیں بنے گا' اور اس پالیسی پر چلتے ہوئے آنے



والے وقت میں ہندوستان دنیا کا سب سے مضبوط ملک بن کر ابھرے گا مسٹر راجناتھ سنگھ نے جمعہ کے روز یہاں ایک تقریب سے خطاب کرتے ہوئے کہا، "آج ہندوستان 'عالمی امید' کا مرکز بنا ہوا ہے کیونکہ اس ملک کے پاس مواقع کی بہتات، اختیارات کی کثرت اور کھلا پن کی وسعت ہے۔