بہارمیں تبدیلی کی لہر:تیجسوی

پٹنہ 3نومبر(یواین آئی)بہار کے اہم اپوزیشن راشٹریہ جنتا دل(آر جے ڈی)کے رہنما اور مہاگٹھبندھن کے وزیراعلیٰ کے امیدوار تیجسوی پرساد یادو نے آج کیا کہ ریاست میں تبدیلی کی لہر چل رہی ہے اور اس کی وجہ سے لوگ کورونا جیسے نامساعد حالات میں بھی بڑھ چڑھ کر ووٹ کررہے ہیں مسٹر یادو نے کہا کہ اپنی ماں اور سابق وزیراعلیٰ رابڑی دیوی کے ساتھ دوسرے مرحلے کی ہورہی ووٹنگ کے لیے دارالحکومت پٹنہ کے پولنگ اسٹیشن نمبر 107پر ووٹ ڈالا۔اس کے بعد مسٹر یادو نے صحافیوں سے بات چیت میں اس مرحلہ میں بھی لوگوں سے ووٹ دینے کی اپیل کی۔

مسٹر یادو نے کہا کہ ریاست میں تبدیلی کی لہر چل



رہی ہے۔یہاں کے لوگ تعلیم، دوا، کمائی، آبپاشی، مہنگائی، سنوائی اور کارروائی والی حکومت کا انتخاب کرنا چاہتے ہیں۔انہوں نے کہا کہ وزیراعظم نریندرمودی کو انہوں نے خط لکھ کر سوال پوچھا ہے اور امید ہے کہ مسٹر مودی اپنی ریلی میں ان باتوں پر وضاحت پیش کریں گے۔ریاست خراب دورسے گزررہی تھی۔سیلاب کورونا اور مزدوروں کے حالات سبھی کو معلوم ہیں۔انہوں نے کہا کہ نتیش حکومت سے ریاست کے لوگ کافی خفاہیں۔

وہیں سابق وزیراعلیٰ اور آر جے ڈی قانون ساز پارٹی کی لیڈر رابڑی دیوی نے کہا کہ ریاست کے لوگ اب تبدیلی چاہ رہے ہیں۔اس مرتبہ کے انتخابات کے بعد تبدیلی ضروردیکھنے کو ملے گی۔