اترپردیش : اب لکھنو کے حج ہاوس پر چڑھا بھگوا رنگ ، اپوزیشن اور مسلم تنظیموں نے کی شدید نکتہ چینی

لکھنو : سکریٹریٹ کو زعفرانی رنگ میں رنگنے کے بعد اب لکھنو میں واقع حج ہاوس کی باہری دیواروں کو بھی بھگوا رنگ میں رنگ دیا گیا ہے۔ حج ہاوس کی باہری دیواروں پر لگے ہرے اور سفید رنگ کی جگہ اب بھگوا رنگ چڑھا دیا گیا ہے۔ سرکار کے اس قدم کی اپوزیشن پارٹیوں اور مسلم تنظیموں نے شدید مخالفت کی ہے ۔ سیاسی پارٹیوں کا کہنا ہے کہ سرکار جان بوجھ کر ایک مخصوص مذہب کے جذبات کو بھڑ کار رہی ہے۔

تاہم وزیر محسن رضا نے یوگی حکومت کا دفاع کیا ہے ۔ حج امور کے وزیر محسن رضا کا کہنا ہے کہ ایسے معاملات کو طول دینے کی ضرورت نہیں ہے ۔ کیسریا رنگ توانائی کی علامت ہے ، اب بھون اچھا نظر آرہا ہے ۔ اپوزیشن کے پاس کوئی بڑا مدعا نہیں ہے ، اس لئے وہ ایسے معاملات کو اچھال رہے ہیں۔

right;">

ادھر سماجوادی پارٹی کے ترجمان سنیل سنگھ ساجن نے کہا کہ حکومت اپنی ناکامی چھپانے کیلئے رنگوں کا کھیل کھیل رہی ہے۔ اب تک آشرم بھگوا رنگ میں ہوتے تھے ، آفس کی بلڈنگ نہیں ، افسران بھی چاپلوسی میں لگے ہوئے ہیں ۔ محسن رضا کے بیان پر ساجن نے کہا کہ وہ صرف چاپلوسی کر رہے ہیں ، انہیں اپنی کرسی بچانی ہے ، اس لئے ایسی باتیں کرر ہے ہیں ۔ اگر اپوزیشن کے پاس مدعا نہیں ہے تو سرکار کے پاس کون سا مدعا ہے ، کیا ترقی ہورہی ہے۔

خیال رہے کہ یوگی آدتیہ ناتھ کے وزیر اعلی بننے کے بعد سے ہی یوپی حکومت کیسریا رنگ پر کافی توجہ دے رہی ہے ۔ اسی سلسلہ میں سکریٹریٹ بلڈنگ کو بھی بھگوا رنگ میں رنگا گیا تھا ۔ یہاں تک کہ سرکاری پوسٹرس میں بھی بھگوا رنگ کا استعمال دیکھنے کو مل رہا ہے ۔