اترپردیش: ہتھرس بگدڑ میں 87 سے زائد لوگوں کی موت

اتر پردیش کے ہتھرس سے 47 کلومیٹر دور پھولرائی گاؤں میں منگل کو ایک بڑا حادثہ پیش آیا۔ بھولے بابا یعنی نارائن ساکر ہری کے ستسنگ میں بھگدڑ مچنے سے کم از کم 87 لوگوں کی موت ہو گئی۔ مرنے والوں میں زیادہ تر خواتین، بوڑھے اور بچے شامل ہیں۔ بھگدڑ میں 150 سے زائد افراد زخمی ہوئے ہیں۔ جن میں سے بیشتر کی حالت تشویشناک بتائی جاتی ہے۔ مرنے والوں کی تعداد میں مزید اضافے کا خدشہ ہے۔ دریں اثنا، ہتھرس حادثے کی کچھ تصاویر منظر عام پر آئی ہیں، جو دل دہلا دینے والی ہیں۔

حادثہ پھولرائی گاؤں میں پیش آیا۔ پولیس کو موصول ابتدائی معلومات کے مطابق ستسنگ ختم ہونے کے بعد لوگ ہال سے باہر نکل رہے تھے۔ پہلے باہر نکلنے کی دوڑ میں بھگدڑ مچ گئی۔



لوگ ایک دوسرے پر گر پڑے۔ زیادہ تر لوگوں کی موت کچلے جانے سے ہوئی-

مرنے والوں کو پھولرائی سے ہتھرس کے کمیونٹی ہیلتھ سینٹر لایا گیا-  ہسپتال سے ٹیمپو اور بسوں کے ذریعے لوگوں کو لایا گیا- ہسپتال کے باہر لاشیں بکھری ہوئی تھی-

ایٹا کے سی ایم او امیش ترپاٹھی نے بتایا ہتھرس سے اب تک 27 لاشیں ایٹا لائے گئے- ان میں 25 خواتین اور 2 مرد ہیں، ستسنگ میں 20 ہزار سے زیادہ لوگوں کی بھیڑ تھی-

وزیر اعظم نریندر مودی نے لوک سبھا میں اپنے خطاب کے دوران ہتھرس حادثے پر غم کا اظہار کیا۔ پی ایم مودی نے کہا- "یوپی کے ہتھرس میں بھگدڑ میں بہت سے لوگوں کی موت کے بارے میں افسوسناک اطلاع ملی۔ میں حادثے میں ہلاک ہونے والوں کے تئیں تعزیت کا اظہار کرتا ہوں۔