امریکی صدر جو بائیڈن ستمبر میں بھارت کا دورہ کریں گے

واشنگٹن: امریکی صدر جو بائیڈن ستمبر میں نئی دہلی میں ہونے والے جی 20 سربراہی اجلاس میں شرکت کے لیے چار روزہ دورے پر ہندوستان آئیں گے جس کے دوران وہ رکن ممالک کے ساتھ یوکرین جنگ سمیت ماحولیاتی تبدیلی جیسے عالمی مسائل سے نمٹنے کے لیے مشترکہ کوششوں پر بات کریں گے۔ وائٹ ہاؤس نے منگل کو تصدیق کی۔

ایک بیان میں، وائٹ ہاؤس نے کہا کہ



بائیڈن اور جی 20 کے شراکت دار صاف توانائی کی منتقلی اور ماحولیاتی تبدیلیوں سے نمٹنے کے لیے کثیر الجہتی ترقیاتی بینکوں کی صلاحیت بڑھانے پر بھی بات کریں گے۔

ہندوستان 9 اور 10 ستمبر کو جی 20 سمٹ کی میزبانی کرنے والا ہے۔

وزیر اعظم نریندر مودی نے جون میں امریکہ کا دورہ کیا تھا، جہاں بائیڈن نے کہا تھا کہ وہ نئی دہلی میں ستمبر میں ہونے والی G20 سربراہی کانفرنس کے منتظر ہیں۔