وادی کشمیر میں ٹرین خدمات ملتوی

سری نگر، یکم مئی (یو این آئی) جموں و کشمیر میں سلامتی دستوں کی مبینہ کارروائی میں تین نوجوان کے مارنے جانے کے خلاف علیحدگی پسندوں کی ہڑتال کے مدنظر سیکورٹی کی وجہ سے آج وادی کشمیر میں ٹرین خدمات ملتوی کردی گئی ہیں۔

ریلوے کے ایک سینئر افسر نے یو این آئی کو بتایا کہ وادی کشمیر میں آج تمام ٹرینیں ملتوی کردی گئی ہیں۔ انہوں نے کہا کہ وسطی کشمیر میں سری نگر-بڈگام سے شمال میں بارہ مولہ کے درمیان



ٹرین نہیں چلیں گی۔ اسی طرح جنوبی کشمیر میں بڈگام-سری نگر -اننت ناگ -قازی کنڈ سے جموں علاقہ میں بانیہال کے لئے بھی ٹرینیں ملتوی کردی گئی ہیں۔ ان ریل ڈویژنوں پر کل دوپہر بعد سے ہی ٹرین خدمات ملتوی ہیں۔

جے آر ایف میں شامل سید علی شاہ گیلانی، میر واعظ مولوی عمر فاروق اور محمد یاسین ملک نے آج پلوامہ میں مبینہ طور سے مارے گئے نوجوان کے خلاف ہڑتال کا اعلان کیا ہے۔

یو این آئی ۔ ایم جے۔