تلنگانہ میں لوک سبھاانتخابات کے دوران بی جے پی اور کانگریس میں مقابلہ رہےگا:ایم پی بنڈی سنجے

ذرائع: 

کریم نگر:بی جے پی کے رکن پارلیمنٹ اور قومی جنرل سکریٹری بنڈی سنجے نے کانگریس سے مطالبہ کیا کہ وہ 100 دنوں کے اندر چھ گارنٹیوں کوروبہ عمل لائیں۔انہوں نے کہاکہ ریاستی حکومت کی جانب سے درخواستوں کی وصولی ایک خوش آئند بات ہے۔انہوں نے کہاکہ بی آر ایس کی طرح برائے نام درخواستیں نہیں لی جانی چاہئیں۔اور سیاسی عمل دخل کے بغیر درخواستوں کو منظورکرنا چاہئے۔بنڈی سنجے نے کہا کہ سب سے پہلے راشن کارڈ دیئے جائیں۔انہوں نے بی جے پی کارکنوں سےاپیل کی کہ وہ بھی لازمی طورپر درخواستیں داخل کریں۔

بی



جے پی ایم پی نے کہا کہ پارلیمانی انتخابات میں کانگریس اور بی جے پی کے درمیان مقابلہ ہوگا۔اوربی آر ایس اصل مقابلے میں نہیں ہے۔ کے ٹی آر کا غرور ابھی کم نہیں ہوا ہے۔ انہوں نے کہا کہ کے ٹی آر کے تکبر نے بی آر ایس کو ڈبو دیا ہے۔ بنڈی سنجے نے استفسارکیاکہ بی آرایس دوراقتدار میں 50 لاکھ کروڑ کی دولت تھی تو پہلی تاریخ کو تنخواہ کیوں نہیں دی گئی؟ انہیں زمین بیچنے کی کیا ضرورت تھی؟ انہوں نے سوال کیا کہ سبھی کو دلت بندھوکیوں نہیں دیا گیا؟بنڈی سنجے تنقید کرتے ہوئے کہاکہ عوام کی جانب سے بہتر سبق ملنے کے باوجود کےٹی آرکوابھی عقل نہیں آئی ہے۔