انتخابات میں خوف یا ڈرانے کی کوئی جگہ نہیں:چیف الیکشن کمشنر راجیو کمار

ذرائع:

کولکتہ :چیف الیکشن کمشنر راجیو کمار نے منگل کو کولکتہ میں کہا کہ انتخابات میں خوف یا ڈرانے کی کوئی جگہ نہیں ہے۔ وہ پریس کانفرنس میں صحافیوں سے خطاب کر رہے تھے۔ انہوں نے کہا کہ مغربی بنگال کی انتظامیہ تمام سیاسی جماعتوں کے لئے یکساں مواقع کو یقینی بنائے گی۔ اگر مغربی بنگال کے حکام تمام سیاسی جماعتوں کے لئے برابری کا میدان فراہم کرنے میں ناکام رہتے ہیں تو ہم ضروری اقدامات کریں گے۔

سی ای سی نے کہا، الیکشن کمیشن کا مقصد ریاست میں آزادانہ، منصفانہ اور تشدد سے پاک انتخابات کرانا ہے۔ انہوں نے کہاکہ ہم نے یہ بھی واضح کر دیا ہے کہ انتخابات کے دوران انتظامیہ کا جانبدارانہ رویہ برداشت نہیں کیا جائے گا۔ کمار نے کہا کہ مغربی بنگال میں غیر جانبدارانہ انداز میں کافی مرکزی فورس تعینات کی جائے گی۔ انہوں نے یہ بھی کہا کہ پولیس سپرنٹنڈنٹ کو بار بار کہا گیا ہے کہ اگر دھمکی کی کوئی شکایت آتی ہے تو وہ فوری کارروائی کریں۔

کمار نے کہاکہ انہوں نے ہمیں یقین



دلایا ہے کہ وہ ایسا ہی کریں گے۔ اگر وہ کام نہیں کرتے ہیں، تو ہم جانتے ہیں کہ ان سے کام کرنے کے لیے ہمیں کیا کرنے کی ضرورت ہے۔سی ای سی نے کہاکہ پولیس افسران کو ہدایت دی گئی ہے کہ وہ غیر جانبدار رہیں اور ضلعی سطح پر تمام سیاسی جماعتوں کے لیے دستیاب رہیں۔

راجیو کمار نے کہا کہ کمیشن سی ویجل :سیٹزنس بی ویجیلینٹ کے نام سے ایک ایپلیکیشن شروع کرنے جا رہا ہے۔ انہوں نے کہا کہ اگر انتخابات سے متعلق کسی قسم کی بے ضابطگی یا تشدد کی تیاری کی جارہی ہے تو صارفین اس کے ذریعے اطلاع دے سکیں گے۔ 100 منٹ میں کارروائی کی جائے گی۔ اگر کسی امیدوار کا مجرمانہ پس منظر ہے تو اس ایپلی کیشن کو ان امیدواروں کی شناخت اور ان کے خلاف مجرمانہ الزامات کے لیے استعمال کیا جا سکتا ہے۔

چیف الیکشن کمشنر نے کہا کہ امیدواروں کو تین اخبارات میں اشتہار شائع کرنا ہو گا جس میں بتایا جائے کہ ان کے خلاف مجرمانہ الزامات ہیں۔ یہ بھی کہا کہ سیاسی جماعتوں کو بھی اسے اپنی ویب سائٹس اور اخباری اشتہارات کے ذریعے شائع کرنا ہوگا۔