تلنگانہ پولیس نے جمعرات کو ہنومان جینتی کے موقع پر چوکسی اختیارکرلی ہے

ریاست میں جمعرات کو ہنومان جینتی کے جلوسوں کے پیش نظر تلنگانہ پولیس کو الرٹ کردیا گیا ہے۔

اعلیٰ عہدیداروں نے ریاست میں کمشنر اور ایس پی کے ساتھ میٹنگیں کی اور انہیں سری راما نومی شوبھا یاترا کے دوران ملک کی کئی ریاستوں میں بڑے پیمانے پر تشدد کے بعد چوکس رہنے کو کہا۔

اعلیٰ حکام نے ڈی آئی جی اور اس سے اوپر کے عہدوں کے اعلیٰ حکام سے کہا کہ وہ جلوسوں کی کڑی نگرانی کریں اور ضرورت پڑنے پر فرقہ وارانہ طور پر حساس اضلاع میں کیمپ لگائے جائیں۔ کیونکہ ہنومان جینتی کے جلوسوں میں بڑے پیمانے پر اجتماعات ہوں گے اور رمضان کے مہینے میں مساجد میں بڑے اجتماعات ہوں گے۔

حیدرآباد میں، وشو ہندو پریشد – بجرنگ دل صبح 11.30 بجے گولی گوڑا رام مندر سے ایک جلوس نکالے گی جو پوتلی بوولی چوراہے – آندھرا بینک چوراہے، کوٹی – سلطان بازار



چوراہے – رام کوٹ چوراہے – کاچی گوڑا چوراہے – نارائن گوڑا کراسروڈ – چیگوڑا کراسروڈ – ایم سی اے – آر ٹی سی چوراہے – اشوک نگر – گاندھی نگر – پراگا ٹولز – کاواڑی گوڑا – بنسلال پیٹ روڈ – بائبل ہاؤس – سٹی لائٹ ہوٹل – باٹا شو روم – اجینی مہانکالی مندر – اولڈ رامگوپال پیٹ پی ایس – پیراڈائز چوراہے – سی ٹی او جنکشن – لی رائل پیلس – امپیریل گارڈن - مستان کیفے اور شام 8 بجے ہنومان مندر تاڑبن میں اختتام پذیر ہوگی۔ جلوس میں تقریباً 5000 افراد شریک ہوں گے۔

شہر کے مختلف علاقوں میں چھوٹے بڑے جلوسوں کی بھی منصوبہ بندی کی گئی ہے۔

فرقہ وارانہ طور پر حساس متحدہ اضلاع کے سابقہ نظام آباد، عادل آباد، کریم نگر، محبوب نگر اور رنگا ریڈی اضلاع کی پولیس کو چوکس رہنے کو کہا گیا ہے۔ حساس علاقوں بشمول بھینسہ، عادل آباد، بودھن، کریم نگر وغیرہ میں ریپڈ ایکشن فورس سمیت اضافی دستوں کو تعینات کیا جانا ہے۔