تلنگانہ حکومت اقلیتوں کے لیے ایک لاکھ روپے کی امدادی اسکیم شروع کرے گی

حیدرآباد: تلنگانہ کے وزیر خزانہ ٹی ہریش راؤ نے جمعرات کو اعلان کیا کہ ریاستی حکومت جلد ہی اقلیتوں کے لیے ایک مالی امداد کی اسکیم نافذ کرے گی جو بینک کی منظوری کے بغیر ایک لاکھ روپے فراہم کرے گی۔

شہر کے جل وہار میں منعقدہ اقلیتوں کے پروگرام میں ہریش راؤ نے کہا، ’’اس سلسلے میں ایک سرکاری حکم (G.O) ایک دو



دنوں میں جاری ہونے والا ہے۔‘‘

 ہریش راؤ نے کہا کہ "وزیر محمود علی کی درخواست کے بعد، چیف منسٹر نے مجھے دو دن میں فائل کو آگے بڑھانے کا حکم دیا" ۔

اسی طرح کی ایک اسکیم ریاست میں پسماندہ طبقات کے لیے پہلے ہی نافذ العمل ہے۔

BCs کے لیے یہ اسکیم 18 سے 55 سال کی عمر کے دستکاروں اور پیشہ ورانہ برادریوں کے ارکان کو 1 لاکھ روپے کی مالی مدد فراہم کرتی ہے۔