سماج وادی پارٹی نے 11امیدواروں پرمشتمل دوسری فہرست جاری کردی

ذرائع:

لکھنو:سماج وادی پارٹی نے لوک سبھا انتخابات کی تیاریوں کےلئے کمربستہ ہوچکی ہے۔ اپنی تیاری کے مطابق، اکھلیش یادو نے پیر کو مزید 11 امیدواروں کی فہرست جاری کرکے انتخابات کی طرف اپنا اگلا قدم بڑھایا ہے۔

سماج وادی پارٹی کی جانب سے جاری کردہ نئی فہرست میں مظفر نگر سے ہریندر ملک، آملہ سے نیرج موریہ، شاہجہاں پور سے راجیش کشیپ، ہردوئی سے اوشا



ورما کے ناموں کا اعلان کیا گیا ہے۔

سماج وادی پارٹی نے مصریکھ لوک سبھا سیٹ سے رام پال راجونشی، موہن لال گنج سے آر کے چودھری اور پرتاپ گڑھ سے ایس پی سنگھ پٹیل کو ٹکٹ دیا ہے۔ اس کے علاوہ پارٹی نے بہرائچ سے رمیش گوتم، چندولی سے وریندر سنگھ اور گونڈا سے شریا ورما کوموقع دیاہے۔

اس کے علاوہ اکھلیش یادو نے غازی پور لوک سبھا سیٹ سے مختار انصاری کے بھائی افضل انصاری کو ٹکٹ دیا ہے۔