آٹو ڈرائیوروں کے مسائل کوجلد حل کرلیاجائےگا،ریاستی وزیر پونم پربھاکرکی یقین دہانی

حیدرآباد:ریاستی وزیر پونم پربھاکر نے کہا کہ پرجا بھون میں منعقدہ پرجاوانی پروگرام کوعوام سے بہتر ردعمل حاصل ہورہاہے۔ انہوں نے کہا کہ منگل کو 5,126 درخواستیں موصول ہوئیں۔ریاستی وزیرنے بتایاکہ زیادہ تر درخواستیں ڈبل بیڈروم مکانات کے لئے وصول ہوئی ہیں۔انہوں نے بتایاکہ بے روزگاروں نے بھی بڑی تعداد میں شرکت کی۔ انہوں نے درخواستگذاروں کے مسائل حل کرنے



کایقین دلایا۔پونم پربھاکرنے مزیدکہاکہ ریاستی حکومت نے خواتین سے کئے گئے وعدے کے مطابق مفت بس سفر اسکیم کوروبہ عمل لارہی ہے۔ انہوں نے کہا کہ آٹوڈرائیوروں کو بسوں میں مفت سفر کی وجہ سے پریشانی کا سامنا کرنا پڑرہا ہے، یہ معاملہ ان کے علم میں آیا ہے۔ انہوں نے کہا کہ آٹو والے ان کے بھائی ہیں۔اورانہیں انصاف ضرور ملے گا۔ ریاستی وزیر نے مسئلہ حل ہونے تک صبروتحمل برتنے کی اپیل کی۔