کانگریس کا ہنگامہ نہیں رکا،اسپیکر نے جاری رکھا وقفہ سوال

نئی دہلی،22دسمبر:-گجرات اسمبلی انتخابات کی تشہیری مہم کے دوران سابق وزیراعظم من موہن سنگھ پر لگائے گئے الزامات کےلئے وزیراعظم نریندر مودی کے معافی مانگنے پر بضد کانگریس کے اراکین کا لوک سبھا میں ہنگامہ آج بھی جاری رہا،لیکن وقفہ سوال بھی جاری رہا۔

ایوان کی کارروائی صبح 11بجے جیسے ہی شروع ہوئی،اسپیکر



سمترا مہاجن نے دبئی میں حال ہی میں منعقد ایشیائی یوتھ پیرالمپک کھیلوں میں ہندوستانی عملے کی کامیابی کی معلومات اراکین کو دی اور ایوان کی جانب سے کھلاڑیون کو دل سے مبارکباد دی۔

اس کے بعد اسپیکر نے جیسے ہی وقفہ سوال شروع کرنے کی اجازت دی،ایوان میں کانگریس کے لیڈر ملکارجن کھڑگے نے کچھ کہنے کی اجازت مانگی۔