ہریانہ کے نئے وزیر اعلیٰ نایاب سنگھ سینی کی تقرری کو ہائی کورٹ میں کیا گیا چیلنج

پنجاب اور ہریانہ ہائی کورٹ میں آج ایک مفاد عامہ کی عرضی دائر کی گئی ہے جس میں ہریانہ کے نئے وزیر اعلیٰ نایاب سنگھ سینی کی تقرری کو چیلنج کیا گیا ہے، جو کہ کروکشیتر سے بی جے پی کے لوک سبھا رکن پارلیمنٹ بھی ہیں۔ سابق وزیراعلیٰ ایم ایل کھٹر کے استعفیٰ دینے کے بعد سینی کو ہریانہ کا نیا وزیراعلیٰ مقرر کیا گیا۔ عرضی میں کہا گیا کہ سینی ایک موجودہ رکن پارلیمنٹ ہیں اور پارلیمانی نشست سے استعفیٰ پیش کیے بغیر انہیں ہریانہ کے وزیر اعلیٰ کی حیثیت سے "رازداری



کا حلف" دلایا گیا ہے، جو کہ آئین اور عوامی نمائندگی ایکٹ 1951 کی خلاف ورزی ہے۔

ایڈوکیٹ جگموہن سنگھ بھٹی نے ہائی کورٹ میں یہ الزام لگایا کہ نئی مقرر کردہ حکومت ایک غیر قانونی اور جمہوریت کے ساتھ دھوکہ دہی ہے۔ عرضی میں کہا گیا کہ ایوان کی کل تعداد 90 اراکین اسمبلی ہیں اور نایاب سنگھ سینی کی تقرری سے یہ 90 اراکین اسمبلی کی حد سے تجاوز کر گئی ہے جو کہ آئین ہند کے تحت جائز نہیں ہے۔ عرضی میں کہا گیا کہ ہریانہ کی حکومت کی تنصیب غیر قانونی اور باطل ہے۔ درخواست میں پانچ کابینی وزراء کی تقرری کو بھی چیلنج کیا گیا ہے۔