تلنگانہ کے اضلاع میں بھی ہو گی حیڈرا کی کاروائی : وزیر اعلیٰ ریونت ریڈی

ذرائع:

تلنگانہ کے وزیر اعلیٰ ریونت ریڈی نے عہدیداروں کو حکم دیا کہ وہ اضلاع میں بھی اسی طرح نظام قائم کریں جس طرح حیدرآباد میں ریاست بھر کے تالابوں کے تحفظ کے لیے ہائیڈرا  قائم کیا گیا ہے۔ تالابوں پر تجاوزات کے خلاف خصوصی مہم چلانے کا اعلان کیا گیا ہے۔ انہوں نے واضح کیا کہ قابض  کوئی بھی ہوں یا کتنے ہی کیوں



نہ ہوں انہیں ہٹا دیا جائے۔ سیلاب سے متاثرہ علاقوں کا معائنہ کرنے کے بعد وزیر اعلیٰ نے محبوب آباد ڈسٹرکٹ کلکٹریٹ میں جائزہ میٹنگ کی۔ اس موقع پر انہوں نے اضلاع میں بھی ہائیڈرا طرز کے سسٹم لگانے کے واضح احکامات دیئے۔ انہوں نے کہا ہم پوری ریاست میں تالابوں کی تجاوزات کے خلاف ایک خصوصی مہم چلائیں گے۔ یہ حکومت کسی بھی دباؤ کو برداشت کرنے کے لیے تیار ہے۔ حکومت پیچھے نہیں ہٹے گی۔