تلنگانہ BJP کے صدر بندی سنجے کو کریم نگر سے حراست میں لے لیا گیا

کریم نگر پولیس نے بی جے پی کے ریاستی صدر بندی سنجے کمار کو آدھی رات کے بعد ان کی رہائش گاہ سے حفاظتی تحویل میں لے لیا ہے اور یادادری بھونگیر ضلع کے بوملا رامارام پولیس اسٹیشن منتقل کر دیا ہے۔

آدھی رات کے بعد بی جے پی صدر کی رہائش گاہ پر پولیس کی بھاری نفری



تعینات کر دی گئی اور انہیں حفاظتی تحویل میں لے لیا گیا۔ 

ان کے گھر والوں اور پارٹی کارکنوں کی گرفتاری کے خلاف مزاحمت کے بعد ان کی رہائش گاہ پر ہلکی سی کشیدگی پھیل گئی۔ ذرائع کے مطابق سنجے نے لوک سبھا اسپیکر کے دفتر میں شکایت درج کرائی ہے جس میں الزام لگایا گیا ہے کہ انہیں آدھی رات کے بعد بغیر وارنٹ کے گرفتار کیا گیا ہے۔