ٹیکنالوجی لوگوں کو بااختیار بنانے، ملک کی خود انحصاری کی بنیاد: مودی

نئی دہلی، 2 مارچ (یو این آئی) وزیر اعظم نریندر مودی نے بدھ کے روز ہم وطنوں کی زندگی میں آسانی کے لیے ٹیکنالوجی کے زیادہ سے زیادہ استعمال پر زور دیتے ہوئے کہا، 'ٹیکنالوجی ہم وطنوں کو بااختیار بنانے کا ذریعہ ہے اور ملک کو خود کفیل بنانے کی بنیاد ہے مسٹر مودی نے کہا، ’’ان کی حکومت کا یہ وژن اس سال کے بجٹ میں بھی جھلکتا ہے وزیر اعظم بجٹ 2022-23 میں 'ٹیکنالوجی سے چلنے والی ترقی' پر آن لائن قومی سیمینار کا افتتاح کر رہے تھے وزیر اعظم نے بجٹ کے بعد مختلف شعبوں سے متعلق قومی ویبینار کی سیریز میں آج اس ساتویں ویبنار کا افتتاح کیا۔ ان مباحثوں کا مقصد وقت مقررہ کے اندر بجٹ کے مندرجات کو مکمل طور پر



نافذ کرنے میں اسٹیک ہولڈرز کی حوصلہ افزائی کی جاسکے اور ان سے مشاورت کی جاسکے۔

وزیر اعظم نے ملک کے لیے ایک مضبوط ڈیٹا پروٹیکشن کے فریم ورک کی اہمیت پر بھی زور دیا اور تمام اسٹیک ہولڈرز پر زور دیا کہ وہ مل کر اس سلسلے میں معیارات اور ضوابط وضع کرنے کے لیے ایک خاکہ تیارکریں۔

مسٹرمودی نے کہا کہ "بجٹ میں 5جی اسپیکٹرم کی نیلامی کے لیے ایک واضح خاکہ دیا گیا ہے اور مضبوط 5جی ایکو سسٹم سے منسلک ڈیزائن پرمبنی مینوفیکچرنگ کے لیے پی ایل آئی اسکیموں کی تجویز دی گئی ہے"۔ انہوں نے کہا، ’’ہمیں اس بات پر زور دینا ہوگا کہ ہم زندگی میں آسانی کے لیے ٹیکنالوجی کا زیادہ سے زیادہ استعمال کیسے کریں۔