کرناٹک میں ٹاٹاگروپ 2300کروڑ روپئے کی سرمایہ کاری کرےگا

ذرائع:

بنگلورو:کرناٹک میں ٹاٹا گروپ 2300 کروڑ روپئےکی سرمایہ کاری کے ساتھ 1650 براہ راست ملازمتیں پیدا کرنے کے لئے ایک آر اینڈ ڈی سینٹر قائم کرنے کے لئے آگے آیا ہے۔ حکومت کرناٹک، ٹاٹا گروپ کی کمپنیوں ایئر انڈیا اور ٹاٹا ایڈوانسڈ سسٹمز لمیٹڈ نے اس سلسلے ایک یادداشت مفاہمت پر دستخط کئے ہیں۔ اس معاہدے کو پیر کوچیف سدارامیا اور بھاری صنعت کے وزیر ایم بی پاٹل کی موجودگی میں حتمی شکل دی گئی۔

معاہدے کے مطابق ٹاٹا گروپ کرناٹک میں متعدد مینوفیکچرنگ اور آر اینڈ ڈی



مراکز قائم کرے گا۔ریاستی وزیر ایم بی پاٹل نے انکشاف کیا کہ ایئر انڈیا بنگلورو بین الاقوامی ایئرپورٹ پر ایئر فریم مینٹیننس ریپیئر اینڈ اوور ہال (MRO) قائم کرے گا۔ انہوں نے کہا کہ اس منصوبے سے 1200 سے زائد افراد کو روزگار کے مواقع میسر آئیں گے۔

ریاستی وزیر نے وضاحت کی کہ یہ ہندوستان میں اپنی نوعیت کی پہلی سہولت ہے۔ انہوں نے یہ بھی کہا کہ بنگلورو ایئرپورٹ پر ایئرانڈیاایویشن ہب قائم کیاجائے گا، جس کے نتیجے میں بنگلورومیں ہوائی ٹریفک میں اضافہ ہوگا اور اس خطے میں اقتصادی سرگرمیاں تیز ہوں گی۔