راجہ سنگھ کے خلاف کارروائی کریں، PUCL کا مہاراشٹر پولیس کوخط

مہاراشٹر میں پیپلز یونین فار سول لبرٹیز (PUCL) نے ریاست کے ڈائریکٹر جنرل آف پولیس، کمشنر آف پولیس اور ڈپٹی کمشنر آف پولیس کو ایک خط لکھا ہے، جس میں ان پر زور دیا ہے کہ تلنگانہ کے بی جے پی ایم ایل اے ٹی راجہ سنگھ اور دیگر کے خلاف ان کے اشتعال انگیز فرقہ وارانہ پروپیگنڈے اور نفرت انگیز تقریر پر سخت کارروائی کی جائے۔

اس خط میں 25 فروری کو میرا روڈ، تھانے میں منعقدہ ہندو جن آکروش مورچہ کے دوران راجہ سنگھ اور دیگر مقررین کی طرف سے عوامی طور پر دیے گئے وحشیانہ بیانات کو نمایاں کیا گیا ہے۔ 

پی یو سی ایل مہاراشٹرا نے نشاندہی کی کہ ریلی میں نفرت انگیز تقریر 23 فروری کے بمبئی ہائی کورٹ کے حکم اور راجہ سنگھ کے پیش کردہ حلف نامے کی صریح خلاف ورزی تھی۔ اس کے باوجود مجرموں کے خلاف



کوئی اضافی کارروائی نہیں کی گئی۔

خط میں، پی یو سی ایل مہاراشٹر نے حکام سے مطالبہ کیا ہے کہ وہ بی جے پی ایم ایل اے کے خلاف سخت کارروائی کو یقینی بنائیں، بشمول نفرت انگیز تقریر کے مجرموں کی گرفتاری اور قانونی کارروائی۔

پی یو سی ایل مہاراشٹر نے میرا روڈ پولیس کی بے عملی کو دیکھتے ہوئے مہاراشٹر پولیس سے آزاد، منصفانہ اور بروقت تحقیقات پر زور دیا۔ فرقہ وارانہ نفرت انگیز تقاریر کو روکنے میں ناکامی، ایف آئی آر درج کرنے میں تاخیر، اور جرم کی تفتیش اور مقدمہ چلانے میں ناکامی سمیت ڈیوٹی سے غفلت کے مرتکب پولیس افسران کے خلاف فوری اقدامات کرنے کا مطالبہ کیا۔ نفرت انگیز تقاریر کے خلاف سوموٹو ایکشن لے کر ایف آئی آر درج کرکے اور مجرموں کے خلاف فوری کارروائی کرکے سپریم کورٹ کے احکامات پر سختی سے عمل درآمد کرنے کا مطالبہ کیا۔