سشیل گپتا اور این ڈی گپتا کا انتخاب عام آدمی پارٹی کے پیسے کی طاقت کے زیر اثر آنے کا عکاس : شتروگھن سنہا

گجرات : دلت شخص کا الزام ، ذات بتانے پر چٹوائے گئے 15 پولیس اہلکاروں کے جوتے ، جانچ شروع

نئی دہلی: راجیہ سبھا کے لئے عام آدمی پارٹی کے نمائندے کے طور پر سنجے سنگھ کے انتخاب کا خیر مقدم کرتے ہوئے فلم اداکار شتروگھن سنہا نے بہر حال کمار وشواس اور آشوتوش کو شامل انتخاب نہ کئے جانے پر حیرت کا اظہار کیا۔ مسٹر سنہا نے کہا کہ سشیل گپتا اور این ڈی گپتا کا انتخاب عام آدمی پارٹی کے عوامی طاقت کے برعکس ’پیسے کی طاقت‘ کے زیر اثر آنے کی عکاسی کرتا ہے۔مسٹر کیجری وال سے اس کی توقع نہیں تھی۔

بی جے پی لیڈر نے کہا کہ بہر حال وہ سنجے سنگھ کی امیدواری کا خیر مقدم کرتے ہیں۔ اسی کے ساتھ ڈاکٹر کمار وشواس کے تعلق سے انہیں افسوس ہے،



جو شاعر معاشرتی خدمتگار اور انتہائی لائق شخصیت ہیں۔

ذہین صحافی آشوتوش کو بھی شامل انتخاب نہ پاکر مسٹر سنہا نے اپنی حیرانی ظاہر کی اور کہا کہ ویسے تو بی جے پی سمیت تمام سیاسی پارٹیوں کی طرف سے عوامی طاقت پر پیسے کی طاقت اور ذات پات کو ترجیح دیتے ہوئے کئی بار دیکھا جاچکا ہے کہ لیکن ایک عوامی پارٹی اور ایک اصولی شخص مسٹر کیجری وال سے ایسی توقع نہیں تھی۔

واضح رہے کہ عام آدمی پارٹی نے کل دہلی سے راجیہ سبھا کی تین سیٹوں کے لئے سنجے سنگھ ، سشیل گپتا اور این ڈی گپتا کو نامزد کیا۔راجیہ سبھا کا دوسالہ الیکشن سولہ جنوری کو ہوگا۔ مسٹر سشیل اور این ڈی گپتا کے انتخاب پر سیاسی حلقوں میں کافی نکتہ چینی کی جارہی ہے۔