سپریم کورٹ نے حجاب پر پابندی کے ممبئی کالج کے حکم پر پابندی لگا دی

سر کلر پر عبوری روک لگاتے ہوئے سپریم کورٹ نے کہا کہ وہ اس معاملے کی اگلی سماعت 18 نومبر 2024 کو کرے گی۔ تاہم بنچ نے واضح کیا کہ کلاس



رومز میں برقع کی اجازت نہیں دی جاسکتی۔ اس کے ساتھ ہی بنچ نے کہا کہ ہمیں امید ہے کہ کوئی بھی اس حکم کا غلط استعمال نہیں کرے گا۔ 

جیسے ہی سماعت شروع ہوئی بنچ نے کالج کی طرف سے پیش ہونے والی سینئر ایڈوکیٹ مادھوی دیوان سے پوچھا کہ یہ کیا ہدایت ہے؟ کوئی ایسی چیز نہ پہنیں جس سے مذہبی شناخت ظاہر ہو۔ کیا نام مذہبی شناخت کو ظاہر نہیں کرے گا ؟ اس پر وکیل نے کہا کہ یہ مذاکرات میں رکاوٹیں ہیں۔ کالج ایک شریک تعلیمی نجی غیر امدادی ادارہ ہے، جس کی خود مختاری نہیں چھینی جاسکتی۔ لڑکیاں ہمیشہ اسے نہیں پہنتی ہیں۔ انہوں نے کہا کہ صرف تین لڑکیوں کو اس میں مسئلہ ہے۔ بینچ نے وکیل سے پوچھا کہ کیا یہ لڑکی پر منحصر نہیں ہے کہ وہ کیا پہننا چاہتی ہے ؟ کیا آپ کہہ سکتے ہیں کہ تلک لگانے والے شخص کو اجازت نہیں ہونی چاہئے؟