سپریم کورٹ نے راہول گاندھی کی لوک سبھا رکنیت کی بحالی کے خلاف عرضی کو مسترد کر دیا

ذرائع:

نئی دہلی:سپریم کورٹ نے کانگریس کے سابق صدر اور وایناڈ کے رکن پارلیمنٹ راہول گاندھی کی بھاری جرمانے کے ساتھ لوک سبھا کی رکنیت کی بحالی کو چیلنج کرنے والی درخواست کو مسترد کر دیا ہے۔ سپریم کورٹ نے درخواست گزار اشوک پانڈے پر ایک لاکھ روپئے کا جرمانہ بھی عائد کیا ہے۔

جسٹس بی آر جسٹس گوائی اور جسٹس سندیپ مہتا کی بنچ نے کہا کہ یہ عرضی قانون کے عمل کا غلط استعمال ہے۔ یہاں درخواست گزار کے کسی بنیادی حق کی خلاف ورزی



نہیں کی گئی ہے۔ عدالت نے راہول گاندھی کی لوک سبھا رکنیت کی بحالی کو چیلنج کرنے والے وکیل اشوک پانڈے کی درخواست پر سماعت کرتے ہوئے ان کے ارادوں پر سوال اٹھائے۔

سپریم کورٹ نے گزشتہ سال 4 اگست کو راہول گاندھی کی متنازع تقریر کیس میں راحت دی تھی۔ اس تقریر میں مودی سرنیم پر تبصرہ کیا گیا تھا۔ سپریم کورٹ نے اسی معاملے سے متعلق ایک عرضی میں راہول کو دی گئی سزا پر روک لگا دی تھی۔ اس کے ساتھ ہی عدالت نے راہول کی لوک سبھا رکنیت کو بحال کرنے کا بھی حکم دیا تھا۔