سٹوڈنٹ ایکٹیوسٹ شرجیل امام کو 2020 کے اشتعال انگیز تقریر کیس میں ملی ضمانت

نئی دہلی: اشتعال انگیز تقریر کرنے کے الزام میں گرفتار کیے جانے کے تقریباً ساڑھے چار سال بعد، کارکن شرجیل امام کو آج دہلی ہائی کورٹ نے ضمانت دے دی۔ شرجیل امام نے ٹرائل کورٹ کے اس حکم کو چیلنج کیا تھا جس میں ان کی ضمانت سے انکار کر دیا گیا تھا اور دلیل دی تھی کہ اگر وہ اس مقدمے میں مجرم ثابت ہو جاتے ہیں تو انہیں دی جانے والی زیادہ سے زیادہ سزا میں سے نصف سے زیادہ وہ پہلے ہی بھگت چکے



ہیں۔ انہیں جنوری 2020 میں اس وقت گرفتار کیا گیا جب ان کے خلاف شمال مشرق کو بقیہ ہندوستان سے منقطع کرنے کی مبینہ کال پر بغاوت کا مقدمہ درج کیا گیا تھا۔ یہ ریمارکس شہریت ترمیمی قانون کے خلاف مظاہروں کے درمیان دیے گئے۔ کارکن کے خلاف دہلی، آسام، منی پور، اروناچل پردیش اور اتر پردیش سمیت کئی ریاستوں میں مقدمات درج کیے گئے تھے۔

وہ مبینہ طور پر نئے شہریت قانون کے خلاف دہلی کے شاہین باغ میں احتجاج کے منتظمین میں سے ایک تھے۔